काठमाण्डाै – सरकारले याे वर्ष आफू रहेकै ठाउँमा दशैँ मनाउन आग्रह गरेको छ । दशैँका बेला गाउँघर तथा आफ्नो पुर्ख्याैली थलोमा दशैँ मनाउन धेरै मानिस यात्रा गर्ने गरेको भन्दै स्वास्थ्य तथा जनसङ्ख्या मन्त्रालयका प्रवक्ता डाक्टर जागेश्वर गौतमले यो वर्ष आफू रहेकै ठाउँमा दशैँ मनाउन आग्रह गर्नुभयो ।
कोरोना सङ्क्रमण बढेर अवस्था डरलाग्दो हुन थालेको भन्दै प्रवक्ता गौतमले यात्रा गर्दा भाइरस फैलने सम्भावना अधिक हुने भन्दै यो वर्ष यात्रा नगरि अहिले भएकै ठाउँमा दशैँ मनाउन आग्रह गर्नुभयो ।
साथै उहाँले स्वास्थ्य मापदण्डलाई कडाइ गर्दै जरिबाना गर्ने गरी प्रस्ताव गरिएको पनि उहाँले बताउनुभयो । गएकाे २४ घण्टामा देशैभर दुई हजार पाँच सय ५३ जनामा काेराेना भाइरसकाे सङ्क्रमण पुष्टि भएसँगै सङ्क्रमितकाे कुल सङ्ख्या ८६ हजार आठ सय २३ पुगेकाे छ ।
