कञ्चनपुर-बाजुरामा नेपाल टेलिकमकाे जिप दुर्घटना हुँदा प्रमुखसहित तीन जनाकाे मृत्यु भएकाे छ ।
जगन्नाथ गाउँपालिका- २ काे काँडाकोटमा मंगलबार बिहान साढे ९ बजे नेपाल टेलिकमकाे बा ५ च २२०९ नम्बरको जिप दुर्घटना हुँदा तीन जनाकाे घटनास्थलमै मृत्यु भएको प्रहरीले जनाएको छ । सुदूरपश्चिम प्रहरी ट्राफिक प्रहरी कार्यालय अत्तरियाका प्रहरी नायब उपरीक्षक(डीएसपी) टेक जाेराले दुर्घटनामा नेपाल टेलिकम बाजुराका प्रमुख लोक बहादुर खड्का, चालक कर्णबहादुर महता र जीपमा सवार रविन्द्र धामीकाे मृत्यु भएकाे जानकारी दिए ।
जिप दुर्घटनामा परी तीन जनाको घटनास्थलमै मृत्यु भएको प्रहरीले जनाएको छ । दुर्घटनामा परी दुईजना घाइते भएको जानकारी आएको छ।
उनकाअनुसार तीनै जनाकाे घटनास्थलमा मृत्यु भएकाे हाे भने, जिपमा सवार अन्य दुई जना घाइते भएका छन् ।
घाइते हुनेमा नन्दराम तिरुवा र लोकेन्द्र तिरुवा रहेका छन् । टेलिकमकाे जिप टावर मर्मतका लागि घटना भएकाे क्षेत्रमा पुगेकाे प्रहरीले जनाएका छन् ।
घटना लगतै घटनास्थलमा उद्धारको लागि ११ जनाको प्रहरी टोली खटाइएको र दुईजना घाइतेलाई अस्पताल पठाउन एम्बुलेन्स पठाइएको जिल्ला प्रहरी कार्यालय बाजुराले जानएकाे छ ।
