रमेश प्रसाद भट्ट/कञ्चनपुर- कञ्चनपुर प्रहरी भन्सार चाेरी छली विरूद्व कडा रूपमा उत्रीए संगै फेरि सात लाख बढिका अबैध समान बरामद गरेकाे छ । जिल्ला प्रहरी कार्यालय कञ्चनपुरबाट खटिएको प्रहरी टोलीले भिमदत्त नगरका फरक-फरक स्थानबाट सात लाख बढिका भन्सार छलीका अबैध समान बरामद गरेकाे हाे ।
विभिन्न मितिमा भिमदत्त नगरपालीका वडा नं- ०४ बसपार्क र गोवरियाबाट भन्सार छली गरी ल्याएर लुकाई छिपाई राखिएका अन्दाजी ७ लाख ३७ हजार ३ सय पचास रूपयाँ बराबरका बिभिन्न किसिमका लेडिज सुट,कुर्ति सेट,कोट कपडा,चिनी, मिश्री,गुड लगायतका सामानहरु कानुन बमाेजिम बरामद गरेकाे जिल्ला प्रहरी कार्यालय कञ्चनपुरले जनाएकाे छ ।
बरामद गरिएका सबै समानलाई आज (शुक्रबार) आवश्यक कार्वाहिका लागि भन्सार कार्यालय गड्डाचौकी पठाईएको कञ्चनपुर प्रहरीले बताएकाे छ ।
कञ्चनपुर प्रहरी प्रमुख एसपि कमल थापा नेतृत्वकाे प्रहरीले भन्सार छली, तस्करी, समाजिक विकृति र अपराध नियन्त्रणमा निर्मम भएर उत्रीए संगै अहिले सम्म अबैध समान बरामद गरेर कराेडाै मुल्य बराबरकाे राजस्व बृद्वि गर्न सफल भएकाे छ ।
प्रहरीले पछिल्लो समयमा राम्रो कार्य गरिरहेकाे भन्दै सबैतिर चर्चा पाईरहेकाे देखिन्छ ।
