कञ्चनपुर– नेपाल पत्रकार महासंघ कञ्चनपुर शाखाले कञ्चनपुरका प्रहरी प्रमुख एसपी कमल थापाको सरुवा माग्ने निर्णय गरेको छ ।
बुधबार बिहान बसेको बैठकले एसपी थापा पत्रकार मैत्री नभएको र प्रेस स्वतन्त्रता माथि ठाडाे हस्तक्षेप सहित पत्रकार माथि दादागिरी गर्ने गरेकाले सरुवा माग्ने निर्णय गरेको हो ।
कञ्चनपुरको सुकासालमा भिडियो फोटो खिचिरहेका बेला कञ्चनपुर प्रहरीले २ जना पत्रकार राजेन्द्र नाथ र ऐश्वर्या कुँवरलाई नियन्त्रणमा लिएपछि पत्रकार आक्रोशित बनेका छन् ।
घटनामा संलग्न प्रहरीलाई विभागिय कार्वाहि र एस.पि. थापाकाे सरूवाकाे माग गर्न प्रहरी महानिरिक्षकलाई पत्राचार गर्ने निर्णय गरेकाे नेपाल पत्रकार महासंघ कञ्चनपुरका अध्यक्ष माधव सिंह धामिले बताउनु भयाे ।
उनले भने “आगामी ५ दिनभित्र एसपी थापाको सरुवा गर्न प्रहरी महानिरीक्षकलाई पत्राचार गर्ने, ५ दिनभित्र सरुवा नभए एसपी सहभागी कार्यक्रम बहिष्कार गर्ने र पत्रकारको सुरक्षाका विषयमा कञ्चनपुरका प्रमुख जिल्ला अधिकारीसँग छलफल गर्ने निर्णय समेत भएको बताउनु भयाे ।”
यसरी कञ्चनपुर प्रहरीले पटक-पटक पत्रकार माथि विना कारण कुटपिट गर्ने, पक्राउ गर्ने, धम्काााउने जस्ता कार्य गर्दै आएकाे छ ।
