बेलडाँडी उपाध्यक्ष नाथकाे काेसेली कार्यक्रम छाेरी जन्मदा ३ हजार दिन शुरू

गाउँपालिका भरिका सबै वडाहरुमा छोरी जन्माउने आमाहरुलाई कोसेली बितरण गर्ने लक्ष्य रहेको उपाध्यक्ष नाथको भनाई छ । आफुले गाउँ पालिकामा निर्बाचित भएको दिन देखि गाउँपालिकाले गर्भवती महिलाहरुले छोरी जन्माइन भने उपाध्यक्षको कोसेली अन्र्तगत बिभिन्न स्वास्थ्य सामाग्री पोसिलो खानेकुरा तथा तीन हजार रुपियाँ दिँदै आएको समेत बताउनु भयाे ।

उपाध्यक्षको कोसेली कार्यक्रमले महिलाहरु आफ्नो स्वास्थ्य प्रति सजग बन्दै गएका छन् । गर्भाअबस्थामा स्वास्थ्य संस्था जानका लागी हिच्किचाउने महिलाहरु अहिले अनिबार्य रुपमा चेकँजाचका लागी स्वास्थ्य चौकीसम्म पुग्ने गरेको उपाध्यक्ष नाथले बताउनुभयो । छोरी मान्छे जन्माउने महिलाहरुलाई मात्रै कोसेली दिने गरेका छौ, यसले महिला दीदी बहिनिहरुको आनीबानीमा सुधार भएको छ ।”

यस्तै उनले आमाको स्वास्थ्य संस्थामै आएर बच्चा जन्माउने भएकाले आमा र बच्चा दुबैको स्वास्थ्यको ग्यारेन्टी हुने गरेको उपाध्यक्ष नाथले बताईन ।

गाउँपालिका उपाध्यक्ष नाथले ३५ बर्ष उमेर पुगेर बिबाह नगरी एकल बसेका महिला तथा तेत्रो लिङ्गीहरुको लागिपनि उपाध्यक्ष कोसेली कार्यक्रम आफुले ल्याएकाे बताउनु भयाे । यस्तै गर्भवति महिलाका लागि एम्बुलेन्स सेवा नि:शुल्क बाहिर जादा ५० प्रतिशत छुटकाे व्यवस्था समेत गरिएकाे छ ।

यस्तै उपाध्यक्ष नाथले स्वास्थ्य संग संम्बन्धित अन्य थुप्रै लाेकमुअि कार्यक्रम लागू गदै आउनु भएकाे छ  । वडा नम्बर-५ का वडा अध्यक्ष ईन्द्र बहादुर खडकाकाे सभापतित्वमा सम्पन्न भएकाे कार्यक्रममा गाउँपालिका उपाध्यक्ष नाथकाे प्रमुख आतिथ्यता रहेकाे थियाे ।