प्रदेशका प्रमुखहरूले नेपाल कम्युनिष्ट पार्टीका अध्यक्ष पुष्पकमल दाहाल प्रचण्डलाई भेटेका छन्। आइतबार बिहान ९ बजे प्रचण्ड निवास खुमलटारमा सातै प्रदेशका प्रमुखहरूले भेटेका हुन्। प्रचण्डको सचिवालय स्रोतका अनुसार, उनीहरूले प्रदेशमा कर्मचारी र भवनको अभावबारे गुनासो गरेका थिए।
‘उहाँहरू यहाँ आउनुभएको थियो, प्रदेशमा कर्मचारीको अभाव र भवन निर्माण लगायतका विषयमा अध्यक्षज्यूसँग छलफल गर्नु भयो’ सचिवालय स्रोतले भन्यो ‘पार्टी अध्यक्षले सरकारलाई प्रदेशका विषयमा दबाब दिनुपर्यो भनेर भेट्नुभएको हो।’
स्रोतका अनुसार प्रदेश प्रमुखहरुले प्रचण्डलाई सुझावपत्र नै दिएका छन्।
